Sat 26 07 2014

تويتر : مرسي "لبس"السلطانية" فى باكستان وهيركب الفيل فى الهند

ثلاثاء, 2013/03/19 - 2:40مساء

ربما لو كان الرئيس مرسي محبوبا من الجماهير خصوصا شباب مواقع التواصل الإجتماعي ما انهمرت تلك التعليقات الساخرة حول صورته وهو يرتدي الزي الرسمي لاستلام الدكتوراة الفخرية من الجامعة الباكستانية، ربما اعتبر المصريون هذه الصورة فخرا لهم وقلدوا الزي وارتدوه، لكن لأن مرسي يسير في واد أخر غير الذي يعيش فيه الشعب جاءت صور مرسي بالقبعة الفخرية لتطلق العنان للالاف من التعليقات الساخرة اخترنا لكن أهمها خصوصا تلك الصالحة للنشر.

سيد أبو حفيظة : بالسلطانيه دى ... مرسى سلم نفسه تسليم اهالى لباسم يوسف :D

أساحبي:مرسى سايب شغله و رايح يلعب فى باكستان طب عندك اسبوع خصم .

بلال فضل :غالبا آخرة مرسي هتكون إنه يلبس السلطانية والروب بتوع الدكتوراة الباكستاني ويمشي في شوارع الزقازيق ويصرخ "أنا مش قصير ولجلج أنا طويل وأبلج"

نبيل الحلفاوى ‏:زمانهم فى مكتب الإرشاد قاعدين يضحكوا..لا لا ما يصحش يااخوانا.

زياد: يعني انا اقعد ادرس الفلسفة سنتين عشان اخد دبلومة والاخ مرسي من غير ما يقرأ فيها كتاب ياخد الدكتوراه ! اخونة دي ولا مش اخونة ؟

عاطف عبد الرحمن:روح يا شيخ ربنا ما يحرمك من اللى انت فيه .

بيشوى رأفت:مرسي في مشهد السلطانيه ده فكرني ب"عوكل" لما كان لابس لبس الحرب وبيقول "نأخذ من كل رجل قبيلة" .

د/باسم يوسف: باكستان قابضة من جبهة الانقاذ

نوارة نجم:انا حبيت الاكاونت بتاعي من ساعة ما حطيت صورة سلطانية مرسي ... شبه برانيط زينات صدقي.

وانا عمالة اقول الباكستانيين اتجننوا؟ مرسي فيلسوف؟ اتاريهم عاملين له كمين عشان يلبسوه السلطانية.

مورسي اول رئيس مدني متسلطن.

شيخ العرب ‏: سلطانية مرسي فكرتني بلبس معمر القذافي ..القذافي طلع اسلوب حياة

سامح جمال:تستاهلو سلطانية مرسي عشان قعدتوا تتريقو على القذافى ..شفتوا الى يتريق على رئيس غيره بيحصل فى رئيسه ايه ؟

سمسمة :وعلى فكرة بقى مرسى مسلينا وعامل جو ... دكتوراه فخرية يا معفنيييييين لأ وايه؟! فى الفلسفة

الأخت الرفيقة هند :رئيسنا لبسوه السلطانية ...أفلا تكبرووووون

أنت فاكر ان اللي حصل في باكستان ده زلزال بجد ؟؟ لا لا أبسلوتلي ده مرسي بعد ملبسوه السلطانية من هنا وهو بقي مبسوط ويدبدب برجليه من هنا.

محمد العربي: ربنا يستر في الهند: ما يركبوش مرسي الفيل و يطوفوا بيه البلد

أيمن عمارة:سبحان الله لايقه عليه زى ما يكون حلة ولقت غطاها ...غطيه يا ام احمد وصوتى

أوكا: هو مرسي اي حد يديله حاجة يلبسها علي طول مش يفهم ايه دة الاول ؟

الرئيس مرسى .. يوجه الدعوة إلي الرئيس الباكستاني لزيارة مصر في أقرب فرصة ممكنة ايوة دة الصح و نلبسه سلطانية زي ما لبس مرسي

خالد زكريا: لا شرقية ولا غربية ... سلطانية سلطانية

سلطانية سلطانية رغم انف العلمانية

أحمد العسيلى: شفت السلطانية! وعندي تعليق واحد، "من أعمالكم سُلّط عليكم" لو نيّته سليمة ماكانش حصل فيه كده

المعلمة بهججة:بالنسبة للدكتوراة الفخدية اللي الريس اخدها ، كان عندى سؤال روفيع : هو ليه السلطانية اللي كان لابسها ملهاش ذررر ؟؟

ابراهيم الجارحى:عرفتوا ليه ماكنتوش بتفهموا حاجة من خطب مرسي؟؟ وانتو من امتى بتفهموا في فلسفة ما بعد الحداثة يا جهلة؟

بمناسبة حصوله على الدكتوراه الفخرية في الفلسفة أذكر الرئيس مرسي بتاريخ الفلاسفة العظام امثاله.. سقراط انتحر بالسم

انا باعشق الفلسفة .. بالذات ماهيات أفلاطون وتجريد ارسطو والعقلانية المطلقة لهيجل ومشروع النهضة لمرسي

عندما تمنح باكستان الرئيس مرسي درجة الدكتوراه في الفلسفة يعود السؤال الأزلي إلى طرح نفسه : "تعرف ايه عن المنطق يا مرسي؟"

أحمد الدرينى: على خطى باكستان..فرنسا تمنح مرسي دكتوراة فخرية في الإيتيكيت.

صورة مرسي بسلطانية باكستان الفلسفية..قلبته "مارينجوس الأول".
على فكرة..مرسي كان شغال في ناسا خبير في فلسفة المجرات والكواكب..كان بيبص للنجوم ويتأمل ويكتب انطباعات فلسفية في نوتة صغيرة

أحمد مجدى لاجىء تويتراوى:ايتها السماء صبى غضبك ع الاغبياء .. وخصوصا ع الراجل ابو طاسه تيفال هو وجماعته

محمد سعودى : مرسي حول العالم في ٣٠٠ يوم و الإنجازات هي دكتوراه فخرية من باكستان و تهزيق في المانيا و فشل في بقية دول العالم.

أحمد العاصى: لما شوفت مرسى وهما بيدولوا الدكتوراه فى باكستان افتكرت الملاوانى فى مدرسة المشاغبين. عيناك زعيم الهنود الحمر

عمرو فوال:يا حلو بانت "سلطانيتك" أول ما دابت قشرتك....... أنا لو كانوا حايدوني مليون دينار كويتي ماكنتش حالبس السلطانيه دي يا برنس!!

حبيبة: لما تلاقى مرسي لابس سلطانية فى باكستان u feel like "يادى الفضيحة ام جلاجل يادى الجرسة ام جناجل"

السلطانية الرئاسية ليك وليا

أحمد البردان: انا حاسس ان زعماء العالم بيحوروا على الريس بتاعنا .. و بيعزموه عندهم يعملوا عليه نمر
عاجل و مؤكد : الجيش يحذر من محاولات الإنقلاب على السلطانية
يا واد يا سلطانية
على فكرة انا مش سلطنية ...بس انا معجب بالسلطنية

محمد النجار: الدماغ المهلبية دي لازم تتحط في سلطنية

طارق النحاس: نظرة مرسي وهو لابس السلطانية بتقول: انا هشوف ايام سودة وباسم هيضّحك عليا طوب الارض

أيمن: المفروض كنا غيرنا كوالين المطار بعد مرسي ما طار علي باكستان

مدحت سعيد:.. الاخوان المسلمين هايحطوا ماده في الدستور تتعلق باهانه سلطانيه الرئيس ودا طبعا علشان المرمطه اللي هايمرمطهاله باسم يوسف

والله انتوا ظلمتوا باكستان مرسي هو اللي اصر يقدم فقره الساحر ويطلع طائر النهضه من تحت البرنيطه
مرسي بعد التريقه اللي اخدها النهاده هايرفع شعار لا فلسفه بعد اليوم
شكرا لدوله باكستان الشقيقه لبست مرسي سلطانيه النهضه زي ما لبس مصر مشروع النهضه.

محمد فايز(الحاكم بأمر الله) : متخيل افلاطون وارسطو بيضربوا بعض بالجزمة بعد حصول الرئيس مرسي على درجة الدكتوراة في الفلسفة
أنباء عن منع الرقابة عرض فيلم جناب السلطان في التليفزيون المصري لإحتوائه على مشاهد مسيئة
بعد كده لما مرسي يطلع يخطب هايبقى مقدمة الخطاب قال الفيلسوف

ندى نبيل: بصوا هي مش سلطانيه قوي.. هي تدي على قالب كيك

Ouf The Rock :من هنا ورايح لو عايز تقّدر واحد
تقوله : ارفع سلطانيتي احتراماً لك

محمد عثمان: مرسي يصل اسلام آباد في اول زيارة لباكستان والمدفعية تحيية بـ 21 طلقة ، ما فيش واحد احول يخلصنا : D

وفي عالم موازي:"شفتي صورة رئيسنا الشرعي المنتخب وهو بيتسلم الدكتوراة؟ قمر ما شاء الله الله أكبر وليه هيبة كده ربنا يحميه من الحاقدين الحاسدين

لمزيد من التعليقات يمكنكم زيارة الرابط الآتي
#مرسى_والسلطانيه https://twitter.com/search?q=%23%D9%85%D8%B1%D8%B3%D9%89_%D9%88%D8%A7%D9...

هذا الموضوع في قسم: 

تليفزيون حقوق

Radio Hoqook